"Комо" ярим ҳимоячиси Деле Алли футболчилик фаолиятини якунлаш ҳақида жиддий ўйламоқда. Бу ҳақда La Gazzetta dello Sport нашри хабар бермоқда.
Манбага кўра, мураббийлар штаби А Сериянинг навбатдаги мавсумида инглиз футболчисига умид қилмаяпти, шу боис у мавсумолди ўйинлари учун қайдномага киритилмади.
Айни пайтда Алли "Комо" асосий жамоасидан алоҳида, мураббий Сеск Фабрегас эътибор қаратмайдиган футболчилар жамоасида машғулот ўтказмоқда.
Деле Алли 2025 йилнинг қишида эркин агент сифатида клубга келиб қўшилганди. Фабрегас жамоасида у бор-йўғи битта ўйин ўтказди. Аввалроқ, Алли "Тоттенхэм" ва "Эвертон" клубларида ўйнаган, шунингдек, Англия терма жамоасининг асосий ярим ҳимоячиси бўлган.
