Мадриднинг "Атлетико" клуби бош директори Мигель Анхель Хиль клублар ўртасидаги жаҳон чемпионатида иштирок этиш ҳақида фикр билдирди. Эслатиб ўтамиз, турнир июнь ойида бўлиб ўтган ва унда Лондоннинг "Челси" клуби ғолиб бўлганди. Ўз навбатида "Атлетико" гуруҳдан ҳам чиқа олмади.
"Атлетико" клублар ўртасидаги жаҳон чемпионатида иштирок этганидан фахрланаман. Бунинг учун тўрт йил давомида Европа турнирларида "Барселона"дан яхшироқ ўйнашимизга тўғри келди. Бу эса осон бўлмади," - дея Хилнинг сўзларини келтиради derbyderbyderby.it.
Мадрид клуби учун Испания чемпионатининг янги мавсуми 17 август куни бошланади. Шу куни улар "Эспаньол" билан ўйнайди.
