"Астон Вилла" "Галатасарой" ярим ҳимоячиси Габриэль Сара трансфери бўйича музокараларни бошлашга тайёр. Бу ҳақда Caught Offside хабар бермоқда.
Манбага кўра, 26 ёшли футболчи турк гранди сафини 40 млн евро эвазига тарк этиши мумкин. Бироқ, Бирмингем клуби Сарани 20 млн еврога баҳоламоқда. Таъкидланишича, бразилиялик футболчини "Манчестер Сити" ҳам кузатиб бормоқда, бироқ айнан "Астон Вилла" унга энг фаол қизиқиш билдирмоқда.
2022-2024 йилларда ярим ҳимоячи Англияда "Норвич" сафида тўп тепган. Саранинг клуб билан амалдаги меҳнат шартномаси 2029 йилнинг ёзига қадар мўлжалланган. Transfermarkt порталида келтирилган маълумотларга кўра, футболчининг бозор нархи 22 млн еврони ташкил этади.
