"Манчестер Юнайтед" сардори Бруну Фернандешни яна клубни тарк этиши билан боғлашмоқда.
Куни кеча "Ан-Наср" "қизил иблислар" ҳужумкор ярим ҳимоячисини ёзги трансферлар ойнаси ёпилгунга қадар ўз сафига қўшиб олмоқчи экани ҳақида хабарлар тарқалди. Журналист Бен Жейкобснинг маълум қилишича, Фернандешнинг режалари ўзгармаган: португалиялик "Манчестер Юнайтед"да қолишни истамоқда, шунинг учун у Саудия Арабистонига ҳам, бошқа жойга ҳам кўчиб ўтмоқчи эмас. 30 ёшли футболчи манкунианликлар сафида яна камида бир мавсум ўйнашни режалаштирмоқда.
Бруну Фернандешнинг шартномаси 2027 йилда тугайди, бироқ у яна бир йилга автоматик узайтириш имкониятини ўз ичига олади.
