Американинг "Интер Майами" клуби янги футболчиси Родриго де Пауль ҳамюрти ва жамоадоши Лионель Мессининг жароҳат олганига қандай муносабат билдирганини айтди. 38 ёшли ҳужумчи Лига кубоги доирасида Мексиканинг "Некакса" клубига қарши кечган ўйин бошида жароҳат олган эди.
"Леонинг майдонга йиқилганини кўрганимда ўзимни қандай ҳис қилганимни тасвирлаб беришим қийин. Месси бу жамоанинг жони ҳисобланади. У сон мускулини шикастлаганини айтди. Унинг сўзларига кўра, жиддий ҳеч нарса содир бўлмаган. Умид қиламизки, Лионел тезроқ соғайиб кетади," - дея футболчининг сўзларини келтиради FC World.
Учрашувда кучлар тенг келди - 2:2. Пенальтилар сериясида "Майами" футболчилари аниқроқ ҳаракат қилди - 5:4.
