"РБ Лейпциг" марказий ҳужумчиси Биньямин Шешко Англиянинг "Ньюкасл" клубига ўтиши мумкин.
Журналист Себастьен Видалнинг таъкидлашича, "РБ Лейпциг" "Ньюкасл"нинг Шешко бўйича биринчи таклифини рад этганидан сўнг, "қарғалар" янги таклиф - қатъий белгиланган 75 миллион евро ва 5-10 миллион бонус юборишган. Таъкидланишича, томонлар музокараларни давом эттирмоқда. Шу билан бирга, Шешко вакили битимни якунлаш учун барча саъй-ҳаракатларни амалга оширмоқда.
Ўтган мавсумда 22 ёшли Шешко барча турнирларни қўшиб ҳисоблаганда 45 та учрашувда қатнашиб, 21 та гол урди ва 6 та голли узатма муаллифига айланди.
