"Челси", "Интер" ва "Ювентус" клубларининг собиқ вингери Хуан Куадрадо А Серияга чиққан "Пиза" клубига ўтишга яқин турибди.
Манбага кўра, футболчи 4 август куни клуб қароргоҳига тиббий кўрикдан ўтиш ва ҳужжатларни имзолаш учун келади. Куадрадо эркин агент сифатида "Пиза"га ўтади. Унинг "Аталанта" билан шартномаси июнь ойида якунига етди. Ўтган мавсумда у 32 та ўйинда майдонга тушиб, 4 та голли узатмани амалга оширди.
"Пиза" бозор баҳоси 1 миллион еврога баҳоланаётган 37 ёшли колумбиялик футболчи жамоанинг чемпионатда жон сақлаб қолишда курашишига ёрдам беради, деб ҳисобламоқда.
