Испаниялик дарвозабон Жоан Гарсия ёзда "Барселона" сафига келиб қўшилди ва янги жамоаси билан янги мавсумга тайёргарлик кўрмоқда. Дарвозабон "Виссел Кобе"га қарши ўртоқлик ўйинида асосий таркибдаги дебютини ўтказишга улгурди.
Бироқ, раҳбарият томонидан мавсумга янги келган футболчини рўйхатдан ўтказиш масаласи ҳал этилмаган. Маълум бўлишича, "Барселона" яқин бир ҳафтадаёқ Гарсияни рўйхатдан ўтказишни режалаштирмоқда ва буни бошқа футболчиларини сотмасдан қандай амалга оширишни билади.
Клуб янги дарвозабонни рўйхатдан ўтказиш учун Марк-Андре Тер Штегеннинг жароҳатидан фойдаланмоқчи. Бироқ таъкидланишича, "кўк-анорранглилар"нинг бошқа сценарийлари ҳам мавжуд бўлиб, зарурат туғилганда улардан фойдаланишлари мумкин.
Эслатиб ўтамиз, "Барселона"нинг германиялик посбони Марк-Андре Тер Штеген жароҳати сабаб, камида 3 ой майдонга туша олмаслиги мумкин.
