"Манчестер Юнайтед" бош мураббийи Рубен Аморим жамоанинг қайси футболчилари етакчи эканлигига жавоб берди.
"Айни дамда етакчилар гуруҳида олти нафар масъулиятли ўйинчи бор: Бруну Фернандеш, Гарри Магуайр, Лисандро Мартинес, Диого Далот, Том Хитон, Нуссайр Мазрауи.
Ўтган йили шахсан мен ташвишланишим керак бўлган нарсалар бор. Футболчиларга: "Энди бу сизнинг зиммангизда. Агар кичик муаммолар бўлса, ўзингиз ҳал қилинг, бунга ўзингиз жавобгарсиз", дедим. Бу кичик ўзгаришларнинг барчаси жамоани яхшилашга ёрдам беради", - деди Аморим Sky Sports билан суҳбатда.
Кейинги ўртоқлик ўйинларида "қизил иблислар" "Эвертон" (4 август) ва "Фиорентина" (9 август) клублари билан ўйнайди. Премьер-лиганинг янги мавсумининг биринчи турида жамоа 17 август куни “Арсенал” билан учрашади.
