МЛС клуби "Колорадо Рапидс" марказий ҳимоячи Роб Холдинг билан шартнома имзолади. Тегишли хабар жамоанинг расмий сайтида чоп этилди.
29 ёшли инглиз футболчиси билан бир ярим йиллик шартнома имзоланган. Ҳозирда унинг клуби халқаро трансфер сертификати ва иш визасини кутмоқда. Премьер-лигада деярли 10 йил, жумладан "Арсенал"да 7 мавсум ўтказди.
Ўтган мавсумда Холдинг "Кристал Пэлас" ва "Шеффилд Юнайтед"да ўйнаган. Бозор нархи 3,5 миллион еврога баҳоланган футболчи атиги 18 учрашувда майдонга тушиб, 2 та огоҳлантириш олган ва 1 та голли узатмани амалга оширган. У мавсумнинг биринчи қисмини жароҳати туфайли ўтказиб юборди.
