"Барселона" "Челси" ҳужумчиси Кристофер Нкункунинг эҳтимолий трансферига қизиқмоқда.
Transfer News Live хабарига кўра, Каталония клуби франциялик форвард атрофидаги вазиятни диққат билан кузатиб бормоқда ва агар Фермин Лопес кетса, уни қўлга киритишга ҳаракат қилиши мумкин.
Француз 2023 йилда "Челси"га ўтганди, аммо жароҳатлар туфайли инглиз клубида тўлиқ асосий таркибдан ўрин ололмади, бироқ ўзининг кўп қиррали ҳужумкор фазилатлари туфайли бозорда қимматли актив бўлиб қолмоқда.
Аввалроқ Нкункуга "Интер" қизиқиш билдирган, футболчининг вакиллари билан дастлабки музокаралар олиб борган. Энди "Барселона" ярим ҳимояда ўзгаришлар юз берган тақдирда форвардни таркибни кучайтирувчи сифатида кўрмоқда.













