"Ньюкасл" "РБ Лейпциг" ҳужумчиси Беньямин Шешко трансферини ёпишга жиддий бел боғлаган.
Бироз аввал маълум бўлишича, "қарғалар" 22 ёшли футболчи борасида "қизил буқалар"га расмий таклиф билан чиққан. Инсайдер Фабрицио Романо ҳисоботидаги маълумотларга кўра, инглиз клуби словениялик учун 90 миллион евро - 80 миллион кафолатли тўлов ва 10 миллион бонус таклиф қилган. Ўйинчи ҳали якуний қарорга келмаган.
"Манчестер Юнайтед" пойгадан чиқмайди: "қизил иблислар" "РБ Лейпциг"га агар Шешко "Ньюкасл"га эмас, ўзларига ўтиш истагини билдирса, унга трансфер таклифи билан чиқишини маълум қилишди.
