"Барселона"нинг қанот ҳимоячиси Жюль Кунде тез орада клуб билан меҳнат шартномасини узайтиради. Бундай маълумотлар билан таниқли инсайдер Фабрицио Романо бўлишди.
Манбага кўра, барча ҳуқуқшунослар битимни маъқуллаган, фақат баъзи расмиятчиликларни ҳал қилиш қолган. Шундан сўнг, Кунде 2030 йилнинг июнига қадар шартнома имзолайди.
Ўтган мавсумда 26 ёшли француз барча турнирларни қўшиб ҳисоблаганда 53 та учрашувда майдонга тушиб, 4 та гол урди ва 8 та голли узатмани ўз ҳисобига ёздириб қўйди.
Нуфузли "Transfermarkt" интернет портали маълумотларига кўра, Кунде 65 миллион еврога баҳоланмоқда.
