Ҳужумчи Лука Йович "Милан"ни эркин агент сифатида тарк этди. Сербиялик футболчи АЕК билан меҳнат шартномаси тузиб, Грецияга кўчиб ўтди. Бу ҳақда клуб матбуот хизмати хабар берди.

27 ёшли ҳужумчи янги жамоасига эркин агент сифатида ўтди.

Лука ўтган мавсумда Италия А Сериясининг 15 та ўйнида иштирок этган. Йович Белграднинг "Црвена Звезда" клуби тарбияланувчиси ҳисобланади. Европада у Франкфуртнинг "Айнтрахт", Мадриднинг "Реал", "Фиорентина" клубларидаги ўйинлари билан танилган. Сербия терма жамоаси либосида форвард 45 та ўйин ўтказиб, 11 та гол урган.