Ўзбекистон Суперлигасининг 17-туридан ўрин олган “Навбаҳор” – “Сўғдиёна” жамоалари ўртасидаги учрашув арафасида “лочинлар”нинг 23 ёшли маҳоратли дарвозабони Шукрон Йўлдошев бўлажак ўйин ҳақидаги фикрлари билан ўртоқлашди.
- Эртага бизни жуда муҳим ўйин кутиб турибди. "Сўғдиёна" жамоаси ёзги трансферлар "ойнаси" да таркибни сезиларли тарзда кучайтирди. Таркибга яхши футболчилар жалб этилишди. Лекин биз мухлисларимизни хурсанд қилишга интиламиз.
Иккинчи давра баҳсларига тайёргарлик доирасидаги йиғинда жисмоний тайёргарликка катта урғу бердик, қолаверса, эртанги ўйинга ҳам муносиб тайёргарлик кўрганмиз. Ички муҳитда муаммолар йўқ. Шу сабабли ҳам сафимизга янги қўшилганлар жамоага тезда мослашиб кета олишди. Ҳозирда барчамиз битта мақсад йўлида бирлашганмиз ва эртанги баҳсда фақат ғалаба учун майдонга тушамиз", - деди Йўлдошев.
