Биринчи лиганинг навбатдаги туридан ўрин олган баҳсни ўз майдонида ўтказган “Машъал” Жиззахнинг “Зомин” клубини қабул қилиб, 6:0 ҳисобида ғалаба қозонди.

Учрашувнинг биринчи бўлимида ҳисоб очилмади, томонлар 0:0 ҳисобида танаффусга чиқиб кетишди. Аммо иккинчи таймда “Машъал”ни умуман тўхтатиб бўлмай қолди.

Аввалига касбилик моҳир ҳужумчи Баҳодир Муртазоев қисқа вақт ичида иккита гол уришнинг уддасидан чиқди. Ушбу беллашувда захирадан майдонга тушган Ихтиёр Тошпўлатов ҳам икки бор рақиб дарвозасини ишғол қилишнинг уддасидан чиқди.

Шунингдек, Мирзоҳид Ғофуров билан Виктор Клишин ўз ҳисобларига биттадан гол ёзиб қўйишди. Шу тариқа “Машъал” жиззахликлар устидан йирик ҳисобда зафар қучди.

“МАШЪАЛ” – ЗОМИН – 6:0
“Машъал”: Санжар Қувватов, Саламат Қутибоев, Искандар Шайқулов, Шерзод Файзиев, Холмурод Холмуродов, Мирзоҳид Ғофуров, Отабек Шукуров, Жаҳонгир Абдумўминов, Жамшид Ҳасанов, Зоҳир Қўзибоев, Баҳодир Муртазоев.
Захирадан тушганлар: Ихтиёр Тошпўлатов, Виктор Клишин, Шоҳжаҳон Аббосов, Аббос Шодмонов, Шаҳзод Шайманов.
Голлар: Б.Муртазоев (2та), И.Тошпўлатов (2та), М.Ғофуров, В.Клишин.