Ҳужумчи Мэйсон Гринвудни матбуот "Ан-Наср" билан боғлашда давом этмоқда. Бироқ, "Марсель" футболчи билан хайрлашмоқчи эмас. Лига 1 клуби футболчига космик нарх белгилади - "Ан-Наср" камида 85 миллион фунт (97,6 миллион евро) тўлаши керак бўлади. Бу ҳақда talkSPORT хабар бермоқда.
"Марсель"нинг бундай позицияси Гринвуд сотилганда клуб пулнинг фақат бир қисмини олиши билан боғлиқ - трансфер суммасининг 50 фоизи "Манчестер Юнайтед"да қолади.
23 ёшли Мэйсон Гринвуд "Марсель" сафида 36 та расмий ўйинда иштирок этган. Уларда англиялик футболчи 22 та гол урди ва 6 марта шерикларига ассистентлик қилди.
