"Аталанта" ҳужумчиси Адемола Лукман клубнинг унга бўлган муносабатидан ҳафсаласи пир бўлди.
27 ёшли футболчини "Интер" анчадан бери ўз сафига қўшиб олмоқчи. Журналист Лука Маркетти хабарига кўра, ҳужумчига "Аталанта" 35-40 млн евролик таклиф тушса, қўйиб юборишини ваъда қилишган, бироқ бергамоликлар ҳозирда бундай шартларни рад этишган. Ҳозир музокаралар тўхтатилган. Лукман ўзини алданган деб ҳисоблайди.
"Интер" нигериялик футболчи учун курашда таслим бўлмаяпти - у ҳамон биринчи рақамли нишон ҳисобланади. Тез орада миланликлар "Аталанта" юлдузига янги таклиф билан чиқиши мумкин.
