Бугундан Олма-Ота (Қозоғистон) шаҳрида теннис бўйича U-16 ёш тоифасидаги ўғил-қизлар иштирокида Roland Garros Junior Series by Renault турнирининг саралаш босқичи старт олди.
Мусобақанинг бугунги куни доирасида ўзбекистонлик теннисчилар чорак финал босқичига чиқишди.
Вероника Жепарова эронлик рақиби Мозхан Абедлатини 6:1, 6:0 ҳисобида мағлуб этди, Эмили Ким эса иорданиялик теннисчи Нуур Селин Саежни 6:1, 6:1 ҳисобида енгди.
Ўғил болалар ўртасида Маҳмудбек Бекназаров қозоғистонлик рақиби Даниэл Юреклини 5:7, 6:4, 6:1 ҳисобида мағлуб этиб, чорак финалга йўл олди.
Турнир Марказий ва Ғарбий Осиёнинг энг кучли ўйинчиларини бирлаштиради ва ғолиблар Францияда ўтказиладиган Roland Garros Junior Series финал турнирида иштирок этиш ҳуқуқини қўлга киритади. Беллашувлар 9 август куни якунланади.
