"Манчестер Сити"да ярим ҳимоячи Матео Ковачичнинг келажаги бўйича қарор қабул қилинди. Нуфузли инсайдер Фабрицио Романонинг ижтимоий тармоқларда маълум қилишича, "шаҳарликлар" раҳбарияти ва мураббийлар штаби 31 ёшли хорватияликнинг 2025/2026 йилги мавсумда ҳам жамоада қолишини истамоқда.
Қайд этилишича, сўнгги ҳафталарда Ковачичга Саудия Арабистонидан таклифлар бўлган. Ваҳоланки, футболчи бор эътиборини "Манчестер Сити"га қаратган.
Матео Ковачичнинг "Манчестер Сити" билан амалдаги шартномаси 2027 йилнинг ярмигача мўлжалланган. Нуфузли Transfermarkt портали мутахассислари хорватни 20 миллион еврога баҳоламоқда.













