Марк-Андре тер Штеген операциядан кейин "Барселона" шифокорларини уйига қўйишдан бош тортди.

Аввалроқ германиялик дарвозабоннинг белида жарроҳлик амалиёти ўтказилган ва у Ла Лига комиссияси учун тиббий хулоса имзолашдан бош тортганди - агар бу хулоса маъқулланса, клуб янги футболчини рўйхатдан ўтказиши мумкин бўларди. Кейинчалик тер Штеген сардорлик боғичидан маҳрум бўлди.

Diario Sport хабарига кўра, операциядан сўнг "Барселона" тер Штегеннинг уйига шифокорларни юбориб, операциядан кейинги давр қандай ўтаётганини текширмоқчи бўлган, бироқ дарвозабон клуб тиббиёт ходимларини уйига киритишдан қатъиян бош тортган ва шундан сўнг "кўк-анорранглилар" базасига келиб, керакли текширувдан ўтган.

Шунингдек, тер Штеген яқин орада "Барселона" раҳбарияти билан учрашишни режалаштирмаётгани айтилмоқда.