Mark-Andre ter Shtegen operasiyadan keyin "Barselona" shifokorlarini uyiga qo‘yishdan bosh tortdi.
Avvalroq germaniyalik darvozabonning belida jarrohlik amaliyoti o‘tkazilgan va u La Liga komissiyasi uchun tibbiy xulosa imzolashdan bosh tortgandi - agar bu xulosa ma’qullansa, klub yangi futbolchini ro‘yxatdan o‘tkazishi mumkin bo‘lardi. Keyinchalik ter Shtegen sardorlik bog‘ichidan mahrum bo‘ldi.
Diario Sport xabariga ko‘ra, operasiyadan so‘ng "Barselona" ter Shtegenning uyiga shifokorlarni yuborib, operasiyadan keyingi davr qanday o‘tayotganini tekshirmoqchi bo‘lgan, biroq darvozabon klub tibbiyot xodimlarini uyiga kiritishdan qat’iyan bosh tortgan va shundan so‘ng "ko‘k-anorranglilar" bazasiga kelib, kerakli tekshiruvdan o‘tgan.
Shuningdek, ter Shtegen yaqin orada "Barselona" rahbariyati bilan uchrashishni rejalashtirmayotgani aytilmoqda.
