"Манчестер Юнайтед" Расмус Хёйлунд учун 40 млн фунт олмоқчи.
Бу ҳақда talkSPORT хабар бермоқда. Аввалроқ, "Манчестер Юнайтед" форвардни 30 млн фунтга сотишга тайёрлиги ҳақида хабарлар тарқалган эди.
"РБ Лейпциг" Беньямин Шешко бўйича музокаралар чоғида "МЮ" билан Хёйлунднинг эҳтимолий трансферини муҳокама қилганди - уни алоҳида битим сифатида расмийлаштириш режалаштирилганди, аммо даниялик немис клубига ўтишдан манфаатдор эмасди.
Қайд этилишича, Хейлунд "МЮ"дан кетса, АПЛнинг бошқа клубига ўтишни ёки А Серияга қайтишни афзал кўради. Ҳужумчига "Милан", "Наполи" ва Саудия Арабистони клублари қизиқиш билдирган.
Расмус ўтган мавсумда АПЛда 32 та ўйинда 4 та гол урган.
