Ўтмишда машҳур бўлган футболчи Айке Иммель фирибгарлик учун икки йил-у икки ой қамоқ жазосига ҳукм қилинди. Бу ҳақда Bild ўз саҳифаларида маълум қилди. Ҳукм ҳали кучга кирмаган.
Иш доирасида 100 дан ортиқ айблов кўриб чиқилган. Улардан бири - еврога чипта сотиш. Бундан ташқари, собиқ қиморбоз одамлардан қарз олган, аммо молиявий аҳволи оғирлигини баҳона қилиб, қайтариб бермаган.
1980 йилда Айке Иммель ГФР терма жамоаси таркибида Европа чемпиони бўлди. Клублар миқёсида дарвозабон Дортмунднинг "Боруссия," "Штутгарт" ва "Манчестер Сити" клубларида ўйнаган. Ҳозир Иммель 64 ёшда.
