"Реал" "ПСЖ" хавбеки Витиньяга қизиқиш билдирмоқда.
Журналист Андрес Мартинеснинг ёзишича, 25 ёшли футболчининг шартномасида жорий ёзда 135 млн еврога, 2026 йилда эса 90 млн еврога сотиб олиш имконияти бор.
Marca нашрининг хабар беришича, мадридликлар 2026 йилнинг ёзида бўлиб ўтадиган жаҳон чемпионатидан сўнг Витиньяни сотиб олишга уриниб кўриши мумкин. Қайд этилишича, "ПСЖ" ҳозирда ярим ҳимоячини сотмоқчи эмас.
Таъкидланишича, Лига 1 да товон пули белгилаш тақиқланганига қарамай, агентлар ва футболчилар бу қоидани четлаб ўтиш йўлларини топмоқда.
У ўтган мавсумда клуб сафида 59 та ўйинда майдонга тушиб, 8 та гол урди ва 5 та голли узатмани амалга оширди. Витиньянинг амалдаги келишуви 2029 йил 30 июнгача мўлжалланган.
