Албаниялик ҳужумчи Армандо Броя "Бёрнли" матбуот хизмати томонидан расман янги футболчи сифатида таништирилди. 23 ёшли форвард клуб билан 5 йиллик шартнома имзолади.
Ёш албанияликнинг асосий амплуаси - марказий ҳужумчи. У "Тоттенхэм" ва "Челси" клублари тарбияланувчиси ҳисобланади. "Кўклар" футболчиси сифатида Броя аллақачон тўрт марта ижарада бошқа жамоада ҳаракат қилган.
Броя мунтазам равишда Албания терма жамоасига чақирилади, "Бёрнли"нинг янги футболчиси "қора бургутлар" сафида 27 та ўйинда майдонга тушиб, бешта гол урган.
"Бёрнли" ўтган мавсум якунларига кўра, тўғридан-тўғри АПЛга кўтарилди.
