"Ньюкасл" ҳужумчиси Александр Исакнинг жаҳли чиқди. The Telegraph нашрига маълум бўлишича, клуб 25 ёшли швециялик футболчига ёзда бошқа жамоага кетишига рухсат берилмаслигини маълум қилган.
Хабарингиз бор, Исак "Ливерпуль"га ўтишни мақсад қилган. Яқинда мерсисайдликлар швециялик форвард учун 110 миллион фунт таклиф қилгани, аммо рад жавобини олгани ҳақида хабарлар тарқалган эди.
Аввалроқ, Александр Исак жамоасини ўзгартириш истаги ва яқинда клуб қароргоҳини рухсатсиз тарк этгани фонида "Ньюкасл" машғулотларидан четлатилган эди.
Исакнинг "Ньюкасл" билан амалдаги шартномаси 2028 йилнинг ярмигача мўлжалланган.
