"Nyukasl" hujumchisi Aleksandr Isakning jahli chiqdi. The Telegraph nashriga ma’lum bo‘lishicha, klub 25 yoshli shvesiyalik futbolchiga yozda boshqa jamoaga ketishiga ruxsat berilmasligini ma’lum qilgan.
Xabaringiz bor, Isak "Liverpul"ga o‘tishni maqsad qilgan. Yaqinda mersisaydliklar shvesiyalik forvard uchun 110 million funt taklif qilgani, ammo rad javobini olgani haqida xabarlar tarqalgan edi.
Avvalroq, Aleksandr Isak jamoasini o‘zgartirish istagi va yaqinda klub qarorgohini ruxsatsiz tark etgani fonida "Nyukasl" mashg‘ulotlaridan chetlatilgan edi.
Isakning "Nyukasl" bilan amaldagi shartnomasi 2028 yilning yarmigacha mo‘ljallangan.
