"Манчестер Сити" бош мураббийи Хосеп Гвардиола Италиянинг "Палермо" клубига қарши ўртоқлик ўйинидан кейин марказий ҳимоячи Абдуқодир Ҳусановни мақтади. 21 ёшли футболчи "шаҳарликлар"нинг 3:0 ҳисобидаги ғалабаси билан якунланган ўйинда асосий таркибда майдонга тушиб, 45 дақиқа ҳаракат қилди.
"Клублар ўртасидаги жаҳон чемпионати олдидан имзолаган уч нафар янги футболчимиз ҳақиқатан ҳам яхши - мен Шерки, Айт-Нури ва Рейндерс ҳақида гапиряпман. Январь ойида Ҳусанов билан ҳам шундай бўлганди ва бугун у қандай салоҳиятга эга эканлигини яна бир бор кўрсатди. Мен кўрган энг тезкор футболчилардан бири!" - дея Гвардиоланинг ўйиндан кейинги ОАВ билан суҳбатидан иқтибос келтиради City Report.
16 август куни "Манчестер Сити" АПЛ-2025/26 1-турида "Вулверхэмптон"га қарши баҳс олиб боради.
