"Ливерпул"нинг чап қанот ҳимоячиси Костас Цимикас ёзда инглиз жамоасини тарк этиб, АПЛнинг бошқа клубига ўтиши мумкин. Бу ҳақда Эcho хабар бермоқда.
Манбага кўра, "қизиллар" бош мураббийи Арне Слот келаси мавсумда грециялик футболчига умид қилмаяпти. Шунинг учун ҳам у Англия Суперкубоги учун қайдномага киритилмади.
Цимикаснинг фаолиятини давом эттириш вариантларидан бири - "Ноттингем Форест." "Ўрмончилар" ҳимоячига қизиқиш билдирмоқда. Тез орада клуб "Ливерпуль" билан расмий музокараларни бошлаши мумкин.
Ўтган мавсумда Цимикас мерсисайдликлар сафида 29 та ўйинда майдонга тушиб, 2 та голли узатмани ўз ҳисобига ёздириб қўйди.
