Александр Исак энди "Ньюкасл"да ўйнашни истамайди.
The Athletic хабарига кўра, ҳужумчи клуб уни трансфер ойнаси ёпилгунча қўйиб юбормаса ўйнашдан ҳам бош тортади. Исак "Ньюкасл"даги фаолиятининг босқичи тугаган деб ҳисоблайди ва жамоага қайтиш ниятида эмас.
Қайд этилишича, Исак молиявий фейр-плейга риоя қилиш зарурати туфайли ўтган ёзда клуб унга янги шартнома таклиф қилмагани учун ўтган мавсум якунида “Ньюкасл”ни тарк этишга қарор қилган. Бироқ, клубдаги баъзи манбаларнинг фикрича, форвард мавсум охирида вазиятни муҳокама қилиш учун қайтишни режалаштирган. Мавсум тугашига икки ҳафта қолганида Исак жамоа бош мураббийи Эдди Хоуга “Ньюкасл”ни тарк этиш истаги ҳақида маълум қилди.
Исак айни дамда бор эътиборини "Ливерпул"га ўтишга қаратган. Август ойи бошида "Ньюкасл" форвард учун 110 миллион фунт стерлинглик таклифни рад этганидан кейин мерсисайдликлар ҳали янги таклиф билан чиқишмади.
