Мадриднинг "Реал" клуби чап қанот ҳимоячиси Альваро Каррерас "қаймоқранглилар" сафидаги илк ўйиндан кейин Килиан Мбаппе ҳақидаги саволга жавоб қайтарди.
Сешанба куни Хаби Алонсо жамоаси ўртоқлик учрашувида Австриянинг "Тирол" клубини тор-мор этди (4:0). Каррерас ўйинни асосий таркибда бошлади ва 63-дақиқагача ўйнади. Финал ҳуштаги чалингандан сўнг журналистлар янги футболчидан Мбаппе ҳақида сўрашди, у иккита гол ва голли пас муаллифи бўлди.
"Мен доим Килиан каби жамоадошларим билан ўйнаш жуда ёқимли эканини, футбол осонлашаётганини айтганман. Аммо "Реал"нинг барча футболчилари билан ўзимни қулай ҳис қиляпман - Винисиус ва Хёйсен билан ҳам, улар билан қанотда ва ҳимояда бирга ўйнайман. Мен жуда мамнунман," - деди Каррерас интервьюда.
19 август куни "Реал" ўз майдонида Ла Лига 1-туридан ўрин олган "Осасуна"га қарши баҳс олиб боради.
