"Реал"нинг ҳужумкор ярим ҳимоячиси Арда Гюлер янги бош мураббий Хаби Алонсо қўл остидаги ёзги ўйинларда ажойиб ўйнади.
Турк футболчиси Карло Анчелотти қўл остида асосий таркибга кира олмади, испаниялик мураббий эса 20 ёшли ўсиб бораётган юлдузга дарҳол ишонди.
Алонсо қўл остида ўтказилган еттита ўйинда, жумладан, ўртоқлик ўйинларида Гюлер учта голли узатмани амалга оширди – бу жамоадаги энг яхши кўрсаткич.
Ярим ҳимоячи битта гол урди. Сешанба куни Арда Гюлер "қаймоқранглилар"га "Тирол"ни (4:0) мағлуб этишга ёрдам берди ва ўз ҳисобига битта голли узатма ёздирди.
