Яқинда "РБ Лейпциг"дан "Манчестер Юнайтед"га ўтган ҳужумчи Бенжамин Шешко "Барселона"га ўтиши ҳам мумкин эди.
Инглиз гранди 22 ёшли футболчини бонуслар билан бирга 85 миллион евро эвазига сотиб олди.
Diario Sport хабарига кўра, "Барселона" спорт директори Деку словениялик футболчини Роберт Левандовскининг потенциал давомчиси сифатида кўрган.
Каталонияликлар польшалик фахрий билан хайрлашганидан сўнг, келаси ёз футболчини сотиб олишни ўйлаб кўришди, аммо бу вариант ҳозир ўз аҳамиятини йўқотди.













