"Тоттенхэм" "Манчестер Сити" вингери Савиони сотиб олиш фикридан қайтмаяпти. Яқинда "шаҳарликлар" "шпорлар"нинг таклифини рад этишди, чунки улар фақат 50 миллион фунтдан (58 миллион евро атрофида) бошланадиган таклифларни кўриб чиқмоқчи.
Daily Mail нашри тарқатган хабарга кўра "Тоттенхэм" 21 ёшли Савиони ўз сафига қўшиб олишга яна бир бор уриниб кўради. Футболчи "Манчестер Сити"даги ўрнига ишончи комил эмас ва Лондон клубида асосий таркиб футболчиси мақомига эга бўлишини тушуниб турибди.
"Манчестер Сити" сафида Савио 48 та расмий ўйинда майдонга тушиб, 3 та гол ва 13 та голли узатмани ўз ҳисобига ёздириб қўйган.
