"Tottenxem" "Manchester Siti" vingeri Savioni sotib olish fikridan qaytmayapti. Yaqinda "shaharliklar" "shporlar"ning taklifini rad etishdi, chunki ular faqat 50 million funtdan (58 million yevro atrofida) boshlanadigan takliflarni ko‘rib chiqmoqchi.
Daily Mail nashri tarqatgan xabarga ko‘ra "Tottenxem" 21 yoshli Savioni o‘z safiga qo‘shib olishga yana bir bor urinib ko‘radi. Futbolchi "Manchester Siti"dagi o‘rniga ishonchi komil emas va London klubida asosiy tarkib futbolchisi maqomiga ega bo‘lishini tushunib turibdi.
"Manchester Siti" safida Savio 48 ta rasmiy o‘yinda maydonga tushib, 3 ta gol va 13 ta golli uzatmani o‘z hisobiga yozdirib qo‘ygan.
