Ҳужумчи Расмус Хёйлунд "Манчестер Юнайтед"нинг кейинги режаларидан ўрин олмаган. Яқинда манкунианликлар таркибига Рубен Аморим жамоасининг асосий таркибидан жой оладиган Беньямин Шешко келиб қўшилди. Журналист Николо Скиранинг ёзишича, "қизил иблислар" раҳбарияти Хёйлундга унга ишонмаслигини маълум қилган. Энди даниялик кетишга моил.
22 ёшли футболчи бўйича музокараларни "Милан" олиб бормоқда: Италия клуби уни 5 млн еврога ижарага олишни ва 40-45 млн еврога сотиб олишни таклиф қилмоқда. Манбага ишонадиган бўлсак, "россонерилар" футболчи учун йилига 5 млн евро маош билан 2030 йилгача мўлжалланган шартнома тайёрлаб қўйган.
Расмус Хёйлунд "Манчестер Юнайтед"да икки йил ўтказди. У Англия жамоаси сафида 95 та ўйинда майдонга тушиб, 26 та гол ва олтита самарали пас муаллифи бўлган.
