Мадриднинг "Реал" клуби вингери Родриго трансфер ойнаси ёпилгунга қадар клубни тарк этиши мумкин.
"Қаймоқранглилар" раҳбарияти бразилиялик футболчига агар у бўйича трансфер таклифлари келиб тушса, уни эшитишга тайёрлигини маълум қилди, деб хабар беради TBR Football. 24 ёшли футболчига ҳамон "Манчестер Сити" ва Лондоннинг "Арсенал" клублари қизиқиш билдирмоқда - у иккала клубга ҳам ўтишга тайёр.
Аввалги хабарларда "Реал" Родригони сотишдан камида 100 млн евро ишлаб олмоқчи экани айтилганди. Футболчининг ўзи мадридликлар сафини тарк этишни истамагани ҳақида хабарлар ҳам тарқалди.
Родригонинг Transfermarkt сайтидаги тахминий нархи - 90 млн евро.
