13-тур доирасидаги “Бунёдкор” – “Локомотив” учрашуви олдидан шоу-тадбир дастури бўлиб ўтади.
“Бунёдкор” ФК маъмурияти мухлисларни “Жар” стадионида нафақат яшил майдондаги чиройли футбол учрашувидан, балки элимиз суйган санъаткорларнинг ажойиб чиқишлари билан ҳам хордиқ чиқаришлари учун “Бунёдкор” – “Локомотив” учрашуви олдидан шоу-тадбир дастурини ишлаб чиққан.
Унда эстрадамизнинг ёрқин юлдузларидан бири Даврон Эргашев ўз қўшиқлари билан стадионда йиғилганларни баҳраманд қилса, сўз устаси, Ўзбекистонда хизмат кўрсатган артист Мирзабек Ҳолмедов айнан ушбу учрашув олдидан ўз фикрлари ва футболга оид ажойиб чиқишлари билан мухлисларга кўтаринки кайфият улашади.
Шунингдек, “Бунёдкор” – “Локомотив” учрашувининг танаффус пайтида “Омадли чипта” акцияси ҳам ўтказилади. Унда омади чопган ишқибозлар қимматбаҳо совғаларни қўлга киритиши мумкин.
