Боливия пойтахти Ла Пас шаҳри ФХДЁ бўлимлари берган маълумотга кўра, шаҳарда туғилаётган болаларга қўйилаётган исмлар ичида энг кўп қайд этилаётган "Барселона" Бразилия терма жамоаси яримҳимоячиси Неймарнинг исми, дея хабар тарқатди Goal.com.
"17 йилдан кейин Ла Пас аҳолисининг эркаклари аксарияти Неймар исмли бўладилар, айни пайтда шундай тенденция авж олган", дея ҳолатга изоҳ берди ФХДЁ бўлими вакили Ремижио Кондори.
Қайд этиш жоиз, Ла Пас шаҳрида 1,6 миллион одам истиқомат қилади.
Эслатиб ўтамиз, Неймар "Сантос" сафидан "Барселона"га 57 миллион евро эвазига ўтганди. Бразилия терма жамоаси сафида яқинда Конфедерациялар кубогини қўлга киритди.













