"Арсенал" ҳамон "Реал" ҳужумчиси Гонсало Игуаинга бўлган қизиқишини йўқотгани йўқ. Аммо музокаралар лондонликлар учун тобора самарасиз кўриниш олмоқда. Бу ҳақда Goal.com шундай хабар беради.
"Тўпчилар" Игауин учун 21 миллион фунт бера оладилар холос. Аммо "Реал" ҳозирча Аргентина термаси ҳужумчисининг нархини 25,5 миллион деб туриб олган.
Хабарларга қараганда, "Арсенал" бош мураббийи Арсен Венгер аллақачон бошқа ҳужумчиларни ҳарид қилиш вариантлари ҳақида бош қотиришни бошлаб юборган.
Қайд этиш жоиз, "Арсенал" ва Игуаиннинг ўзи шахсий шартномасини келишиб бўлишган: агар трансфер амалга ошса, Гонсало Англия пойтахтида ҳафтасига 100 минг фунт маош олади.
