"Наполи" "Ланс" марказий ярим ҳимоячиси Энди Диуфни ўз сафига қўшиб олмоқчи. Бу ҳақда инсайдер Фабрицио Романо хабар бермоқда.
Манбага кўра, Италия клуби аллақачон француз учун "Ланс"га расмий таклиф билан чиққан. Неаполликлар футболчини 20 млн еврога қўлга киритмоқчи. Шу билан бирга, Диуфнинг клуби хавбекни камида 23 миллион еврога баҳоламоқда.
Шунингдек, 22 ёшли футболчига Англия чемпионатининг бир неча клублари қизиқиш билдираётгани айтилмоқда.
Диуф ўтган мавсумда "Ланс" сафида 37 та ўйинда майдонга тушиб, гол урди ва голли узатмани амалга оширди. Ярим ҳимоячининг француз клуби билан шартномаси 2028 йилнинг ёзига қадар мўлжалланган.
