"Napoli" "Lans" markaziy yarim himoyachisi Endi Diufni o‘z safiga qo‘shib olmoqchi. Bu haqda insayder Fabrisio Romano xabar bermoqda.

Manbaga ko‘ra, Italiya klubi allaqachon fransuz uchun "Lans"ga rasmiy taklif bilan chiqqan. Neapolliklar futbolchini 20 mln yevroga qo‘lga kiritmoqchi. Shu bilan birga, Diufning klubi xavbekni kamida 23 million yevroga baholamoqda.

Shuningdek, 22 yoshli futbolchiga Angliya chempionatining bir necha klublari qiziqish bildirayotgani aytilmoqda.

Diuf o‘tgan mavsumda "Lans" safida 37 ta o‘yinda maydonga tushib, gol urdi va golli uzatmani amalga oshirdi. Yarim himoyachining fransuz klubi bilan shartnomasi 2028 yilning yoziga qadar mo‘ljallangan.