Кингсли Коман ижтимоий тармоқларда Мюнхеннинг "Бавария" клуби билан расман хайрлашди.

Аввалроқ, 29 ёшли франциялик вингер фаолиятини Саудия Арабистонининг "Ан-Наср" клубида давом эттириши маълум бўлганди.

Футболчи ўзининг хайрлашув мактубида Мюнхендаги ўн йиллик фаолияти давомида кўплаб ёрқин хотиралар тўплаганини таъкидлаб, мухлисларга доимий қўллаб-қувватлов учун миннатдорчилик билдирди, шунингдек, клубнинг барча мураббийлари, шериклари ва ходимларига ўз миннатдорчилигини билдирди. Коман "Бавария" унинг ҳаётининг бир қисми бўлиб қолишини таъкидлаб, жамоага келажакда муваффақиятлар тилади.