Ямайкалик ярим ҳимоячи Леон Бэйли Премьер-лиганинг дастлабки турида "Ньюкасл"га қарши кечадиган баҳсда "Астон Вилла" сафида майдонга тушмайди, дея хабар бермоқда ижтимоий тармоқлар орқали инсайдер Фабрицио Романо.
Журналистга маълум бўлишича, 28 ёшли вингер клубини ўзгартиришга яқин турибди. Бэйлини "Рома" ижарага олмоқчи. Томонлар яқин орада битим ҳақида эълон қилишлари мумкин.
Ярим ҳимоячи 2021 йилдан бери Бирмингем жамоаси шарафини ҳимоя қилиб келмоқда. Леон ўтган мавсумда "Астон Вилла"нинг 38 та ўйинида қатнашиб, 2 та гол ва 4 та голли узатмани ўз ҳисобига ёздириб қўйган.
