Франциянинг "ПСЖ" клубини тарк этиши мумкин бўлган италиялик дарвозабон Жанлуиджи Доннарумма Париж жамоаси билан машғулотларни давом эттирмоқда. Бу ҳақда Lequipe журналистлари хабар берди.
Сўнгги пайтларда матбуотда 26 ёшли футболчининг клубини ўзгартириши мумкинлиги ҳақида маълумотлар пайдо бўлмоқда. Дарвозабонга "Манчестер Сити" клуби қизиқиш билдирмоқда.
Англиянинг нуфузли клуби Доннаруммага тахминан йилига 12 миллион евро маош тўлашга тайёр. "ПСЖ" эса уни сотишдан 50 миллион евро даромад олишни режалаштирмоқда.
Ўтган мавсумда Жанлуиджи 47 та ўйин ўтказиб, дарвозасидан 43 та гол ўтказиб юборган. 17 та учрашувда эса дарвозасини қуруқ сақлашга эришган.
