Fransiyaning "PSJ" klubini tark etishi mumkin bo‘lgan italiyalik darvozabon Janluidji Donnarumma Parij jamoasi bilan mashg‘ulotlarni davom ettirmoqda. Bu haqda Lequipe jurnalistlari xabar berdi.

So‘nggi paytlarda matbuotda 26 yoshli futbolchining klubini o‘zgartirishi mumkinligi haqida ma’lumotlar paydo bo‘lmoqda. Darvozabonga "Manchester Siti" klubi qiziqish bildirmoqda.

Angliyaning nufuzli klubi Donnarummaga taxminan yiliga 12 million yevro maosh to‘lashga tayyor. "PSJ" esa uni sotishdan 50 million yevro daromad olishni rejalashtirmoqda.

O‘tgan mavsumda Janluidji 47 ta o‘yin o‘tkazib, darvozasidan 43 ta gol o‘tkazib yuborgan. 17 ta uchrashuvda esa darvozasini quruq saqlashga erishgan.