"Пари Сен-Жермен" ярим ҳимоячиси Ли Кан Ин Англия Премьер-лигасига кўчиб ўтиши мумкин.
Манбага кўра, 24 ёшли футболчига Лондоннинг "Арсенал" клуби қизиқиш билдирган. Қайд этилишича, "канонирлар" аллақачон Париж клубига футболчининг нархи ва уни ушбу трансфер ойнасида сотиб олиш имконияти бўйича сўров юборган. Шунингдек, кореяликни "Манчестер Юнайтед" ҳам кузатиб бормоқда.
Ўтган мавсумда Ли Кан Ин Лига 1да 30та ўйин ўтказиб, 6та гол урган ва 6та голга ассистентлик қилган.













