"Тоттенхэм" марказий ярим ҳимоячиси Ив Бисума ушбу трансфер ойнасида клубини ўзгартириши мумкин. Бу ҳақда инсайдер Саша Таволери хабар берди.
Манбанинг хабарига кўра, 28 ёшли ярим ҳимоячига "Эвертон" ва "Вест Хэм" клублари қизиқиш билдирмоқда. Биссума "Тоттенхэм"да қолишга қарши эмас, аммо "шпорлар" раҳбарияти ярим ҳимоячини сотмоқчи, чунки клуб шу ёзда Жоау Пальиньяни сотиб олган эди.
Яқинда "Ювентус" ҳам ярим ҳимоячига эътибор қаратаётгани хабар қилинганди, аммо Биссума Англияда қолмоқчи. Ўтган мавсумда Биссума "Тоттенхэм" сафида 44 та ўйин ўтказиб, 2 та гол урган. Transfermarkt маълумотларига кўра, унинг нархи 25 миллион еврони ташкил қилади.
