"Сент-Этьен" ҳужумчиси Пьер-Эмерик Обамеянг Дортмунднинг "Боруссия"сига ўтиши деярли ойдинлашиб қолди. Бу ҳақда France Football нашри хабар берган.

Кеча Габон терма жамоасининг 24 ёшли ҳужумчиси Дортмундга тиббий кўрикдан ўтишга келган. Пайшанба куни эса томонлар музокаларнинг ҳал қилувчи бўлиб ўтиши кутилмоқда.

Аввалроқ "Боруссия" трансфер учун 15 миллион евро бериши маълум бўлганди.

Эслатиб ўтамиз, Обамеянгга "ПСЖ", "Наполи", "Ньюкасл", "Анжи", "Интер", "Фиорентина", "Байер" ва ҳоказо клублар қизиқаётгани тўғрисида хабарлар бор.

Ўтган мавсум габонлик ҳужумчи Франция олий дивизионида 37 ўйинда майдонга тушган, 19та гол урган ва 13та самарали тўп узатишга муаллифлик қилганди.